消費者委員會與財經事務及庫務局攜手製作短片，揭示過度消費和輕率借貸的惡果。究竟向財務機構借錢需留意甚麼？利息如何計算？怎樣才是負責任的借貸？立即登入「理性消費 x 負責任貸款」特集，齊齊學習理財之道。
是次教育短片透過年輕人最經常接觸的網絡媒體發放，更有效向年輕人傳遞理性消費的訊息，並建立負責任的理財觀念。短片於11月分階段發放。
短片一 : 「借貸驚嚇惡果－膽小勿看」
講述網購成癮和過度借貸，引發的連串惡果，包括為個人帶來精神壓力、與家人關係破裂等。
短片二 : 「借貸糖衣陷阱－借錢中介」
揭露財務中介表面協助貸款人解決資金緊絀的窘境，但實際榨取高昂手續費，加劇事主債務負擔。
短片三 : 「拒絕借貸誘惑－借錢電話」
透過大學生群的KOL（Key Opinion Leader）以風趣幽默的方式，應對日常經常收到借錢來電，並向借錢來電說不，拒絕借貸誘惑。
名人教你一招搞掂借錢來電
消委會總幹事黃鳯嫺女士：《借錢來電 一招搞掂！》開記招先嚟接電話！？
你永遠喺最忙嘅時候接到借錢來電！開記招前，消委會總幹事黃鳯嫺Gilly突然接到電話，一齊睇佢點樣連消帶打，KO財務中介人。下次接到借錢來電，記住Gilly果句：「先洗未來錢，小心越借越可憐！」千其咪中招呀！
施永青先生，太平紳士：《借錢來電 一招搞掂！》想同我分身家！？
縱橫商場幾十年嘅施永青做吔咁勞氣？原來接到借錢來電，嗰財務中介又零利息、又免收手續費，仲話不成功不收費，猛咁氹佢借錢。結果係點？薑，始終係老嘅辣！中介嘅謊言，逐一俾施永青踢爆，Click入嚟睇睇你就知！
陳繼宇博士，太平紳士：《借錢來電 一招搞掂！》亂借錢，同條鹹魚有咩分別？
「人如果無理想，同條鹹魚有咩分別！」不良中介成日話，要借錢先可以實現心中理想，點知遇著思路清晰嘅大數據專家陳繼宇博士，俾佢用「以子之矛、攻子之盾」嘅招數擊退。正如Dr Chan講，亂借錢，隨時令你吔都做唔到，到時就真係同條鹹魚無咩分別！
方健儀女士：《借錢來電 一招搞掂！》當方健儀遇上鍾界仁
為咗氹你借錢，財務中介會投其所好，用十萬個理由，引你借錢嚟吃喝玩樂。不過今次呢位中介人(原名：鍾界仁)遇著方健儀，被佢一招搞掂，自動收線。其實錢唔係萬能，要實現理想，最緊要靠「食力」！
王灝兒 (JW)：《借錢來電 一招搞掂！》咪一刻煙花換一世傷疤
當歌手撞著借錢來電，會點出招抵擋？JW用咗一個「最殺死人」嘅方式—「唱佢！」究竟JW用咗邊首歌，竟然連不良借錢中介都抵擋唔住？換著係你，又會揀首咩歌嚟唱？快D將你果招唱俾我哋聽啦！
