- 2016.09.14
今时今日嘅电视机不但只用来看电视节目，仲可以用嚟上网，同支援其他多媒体播放音乐或影片。消委会今期测试咗11款数码电视机样本，价钱由三千几蚊至万四蚊不等。想知而家嘅电视有咩特别？一齐睇下啦！
测试11款样本中，有7款电视支援4k播放，佢地嘅解像度喺现时全高清画质嘅4倍，不过4k画质嘅片源在网上较流行，而一般电视节目未算普及，所以买家要留意是否适合自己嘅需求。
另外，有8款样本都有网页浏览功能，不过绝大多数样本嘅网页浏览操控不算方便，表现平平。
喺多媒体播放方面，所有样本都支援USB播放，而有6款样本，更加支援本地网络播放，即系当电脑同电视连接喺同一个网络时，可在电视上播放储存于电脑中嘅影片。
而家嘅电视功能多多，拣起上嚟都唔系咁易，究竟点拣一部性价比高又适合自己嘅电视呢？比d贴士你啦！
电视嘅预设画面未必喺最佳效果，买之前可以试下调节对比度、光暗度等内置设定，睇下画面满唔满意，先决定购买。
购买电视前，记得问清楚保养期同条款先好买，同埋保存好单据同保养证明等，以防不时之需。
唔少平价嘅电视机画质已经不错，如果追求其他新功能，买家可考虑购买外置设备，未必一定要购买高价旗舰款。
总之，大家最紧要念清楚自己想要乜，针对自己所需先买到最啱嘅嘢。想了解更多电视机嘅详细资讯同购买贴士，记得留意479期《选择》月刊