100款糖水，邊款糖份爆標話你知！

在2016里約奧運開幕禮上，代表本港擔任持旗手的「香港女飛魚」歐鎧淳和不少香港人一樣喜歡吃糖水。但如何才吃得開心又健康，避免攝入過量糖份和卡路里？一齊睇睇歐鎧淳給大家的《選擇》月刊糖水小貼士啦！

作為一個游泳運動員，時刻都要KEEP住最佳狀態。要KEEP FIT，一個健康嘅飲食習慣至關重要。好似糖水咁，唔少人都鍾要食。但唔識節制，食完游多10個塘都無用。

消委會同食安中心合作，測試左100款非預先包裝的糖水，同檢視12款預先包裝糖水的營養標籤，研究佢地的糖含量同卡路里等，想知邊款糖水含糖量最易超標？一齊睇睇啦！

估吓邊款非預先包裝的糖水，檢測到嘅糖份比較高？答案就係楊枝甘露同番薯糖水。

每100克楊枝甘露，平均含11克糖。一般湯碗份嘅容量是300克，即飲一碗楊枝甘露會攝取到33克糖。世衞建議成年人每日糖攝取量應低於50克，如果份量大的糖水，飲一碗分分鐘已超標。

另外每100克番薯糖水，平均含10克糖。飲一碗已經攝入30克糖。飲多碗隨時超標。

咁預先包裝的糖水，邊款含糖比較高呢？
答案係豆腐花，每100克該類樣本中，平均含大概9.9克糖。

咁除了糖含量，佢地的能量值又點呢？
非預先包裝的糖水中，能量值最高的是合桃露，每100克混合樣本有130千卡能量，比最低能量值的豆腐花多左一倍有多。而預先包裝的糖水中，喳咋同芝麻糊的能量值都比較高，每100克能量分別係85同83千卡。

消委會建議業界降低糖水中的糖含量，而消費者都應該控制自己的糖攝取量，睇下消委會有吔貼士俾大家。

給消費者建議：

給食肆建議：