- 2016.10.17
在2016里约奥运开幕礼上，代表本港担任持旗手的「香港女飞鱼」欧铠淳和不少香港人一样喜欢吃糖水。但如何才吃得开心又健康，避免摄入过量糖份和卡路里？一齐睇睇欧铠淳给大家的《选择》月刊糖水小贴士啦！
作为一个游泳运动员，时刻都要KEEP住最佳状态。要KEEP FIT，一个健康嘅饮食习惯至关重要。好似糖水咁，唔少人都钟要食。但唔识节制，食完游多10个塘都无用。
消委会同食安中心合作，测试左100款非预先包装的糖水，同检视12款预先包装糖水的营养标签，研究佢地的糖含量同卡路里等，想知边款糖水含糖量最易超标？一齐睇睇啦！
估吓边款非预先包装的糖水，检测到嘅糖份比较高？答案就系杨枝甘露同番薯糖水。
每100克杨枝甘露，平均含11克糖。一般汤碗份嘅容量是300克，即饮一碗杨枝甘露会摄取到33克糖。世卫建议成年人每日糖摄取量应低于50克，如果份量大的糖水，饮一碗分分钟已超标。
另外每100克番薯糖水，平均含10克糖。饮一碗已经摄入30克糖。饮多碗随时超标。
咁预先包装的糖水，边款含糖比较高呢？
答案系豆腐花，每100克该类样本中，平均含大概9.9克糖。
咁除了糖含量，佢地的能量值又点呢？
非预先包装的糖水中，能量值最高的是合桃露，每100克混合样本有130千卡能量，比最低能量值的豆腐花多左一倍有多。而预先包装的糖水中，喳咋同芝麻糊的能量值都比较高，每100克能量分别系85同83千卡。
消委会建议业界降低糖水中的糖含量，而消费者都应该控制自己的糖摄取量，睇下消委会有吔贴士俾大家。
给消费者建议：
- 留意营养标签
- 分量多时与人分享
- 自家制糖水少糖
给食肆建议：
- 菜单列明糖含量
- 推广低糖选择
- 黄糖或糖浆另上