- 2016.01.14
民以食為天，不少香港人一日三餐出外用膳。飲食業行內有不少術語和行規，除咗加大、加底呢D慣常用語外，仲有唔少牽涉到價錢同份量嘅術語，消費者容易有誤解，引起爭拗。
小菜分量不清不楚
消費者未必明白食肆嘅分量和行內術語。一般人以為「加大」是例牌嘅一倍，但事實可以是加半，或乘以一至兩倍。消費者在落單前，最好問清楚碟餸嘅分量和價錢，以免出現誤會。食肆亦有責任向消費者講解清楚才落單。
留意套餐細節
假設一個半席的海鮮全包宴套餐，食物會按6人分量預備，包括每人一隻原隻鮑魚。如果最終8人赴宴，消費者需多點2隻鮑魚，食肆除了可能以正價收取2隻鮑魚的費用，還有增點食物的加一服務費，以至兩名食客的茶芥收費。故此消費者在要求增加套餐內的食物分量前，應先查詢店員如何計算額外的價錢，以便選擇是否點選套餐或
單點食物。
時段優惠、茶芥爭拗
侍應慣常在食客入座後，即時奉上芥醬、酸菜或花生等小食，假如食肆未有在店舖或餐牌的適當位置清楚列明相關費用，而在結帳時向消費者收取茶芥費，食肆可能觸犯《商品說明條例》的「誤導性遺漏」罪行。記住，食肆有責任在餐牌上清楚列明收費詳情。員工亦應該清楚講解各種收費。
至於消費者亦應該多了解餐飲業的用語和收費準則，如有疑問，應即時向店員反映問題，避免留待結帳時才投訴，否則只會各執一辭。
資料來源：《選擇》月刊471期 2016年1月14日