- 2017.01.25
李小姐望着块镜，搽粉，自言自语:
唉，都系化浓少少妆，费事成日俾班同事笑我皮肤又黑，又多癦…
李小姐: (睇手机团购网站):
噫！团购价，$688做6次激光美容？好抵噃！咪执输
(美容中心内)
第一击：投其所好 专捉心理：
美容师: 李小姐，你做咗5次激光美容疗程，D皮肤白净咗、毛孔又细咗，真系明显改善咗噃。
李小姐: 系咩？D同事都系咁讲噃 (满足地笑)
(美容顾问入房)
美容顾问: 李小姐，你今个月生日，公司有个特别优惠俾你，我地原价30万嘅VIP会籍，宜家只需要10万蚊，仲送2万蚊超市礼劵，优惠做哂就无，咪执输！
李小姐: 都系好贵啫
美容顾问: 咁嘞，见你咁好倾，你JOIN VIP会籍，我FREE咗你$688个激光疗程
美容师: 哇，真系抵到烂，我系你就咪执输啦。
专家拆解: 认清心理死穴 越惊执输越易输
专家教路 见招拆招: 限时优惠需冷静 停停谂谂至决定
李小姐:
FREE我 $688个疗程，但又要大嗱嗱俾10万蚊个会籍，真系抵到烂咩？咪玩啦！我返去谂谂先，下次再答你。
第二击：一味靠吓 轮流围政
美容师: 李小姐，俾10万蚊就做到VIP，以后都可以用我地最尊贵嘅私人浴室VIP房，真系机会难得嫁。我真系唔知同唔同你讲好，每次帮你做MASSAGE时留意到你D淋巴好胀同有硬块。
美容顾问: 咁你就要小心啦李小姐，淋巴闭塞分分钟变成肿瘤，有机会生CANCER。
李小姐: 吓，无咁夸张挂？
美容师: 吓，我有个客，同佢讲咗呢D位淋巴有硬块佢又无理，结果咪…
美容顾问: 你又唔使咁担心，你买咗我地VIP会籍，随时BOOK时间推淋巴咪无事罗。
李小姐: 我都系想谂下先。呀，够钟啦，麻烦你递件衫俾我，我想换衫走先。
美容顾问: 你唔使咁心急，放心啦，我地唔会迫你买….
专家拆解: 意志坚定 拒绝硬销
美容顾问: 李小姐，你个CASE真系好严重，我请埋分店经理同你讲..
分店经理: 李小姐，老实讲，你除咗淋巴有事之外，成身黑痣随时会变成皮肤癌，如果唔用我地的激光疗程除咗D痣，分分钟连皮肤癌都生埋。
美容顾问: 系呀，呢D CASE我见唔少，迟D真系无得搞。我地个激光至尊美容疗程12万啫，你当医疗保健都有着数啦！
第三击: 贬低形象 疲劳轰炸
李小姐: 你地俾返件衫我，我要走啦
美容顾问: 仲有呀，你睇你成身皮肤乾到似沙纸！唔做JOIN VIP疗程，无得搞！
美容师: 到时又俾你班同事笑你似村姑…
分店经理: 咪系罗，俾多少少钱都唔舍得。
美容师: 不如咁啦，你拣个平D，10万蚊嘅VIP会籍先，番屋企谂谂系咪买激光疗程啦！
李小姐: 俾我着返件衫先得唔得?
美容师+美容顾问+分店经理: 签咗先！
专家拆解: 怕心软软弱 做足预防措施 (例如考虑唔带卡、同朋友一齐去)
专家教路、见招拆招: 摆明立场 态度鲜明
李小姐: 我已经讲得好清楚，我宜家唔会买任何PLAN。你地想禁锢我呀？再唔俾我走我即刻报警！
李小姐:
由头到尾我都喺张床度，又话我会生癌，弹我呢样果样，又唔俾番件衫我着，我又惊又累，又唔走得，我真系顶唔住，最后买咗个10万蚊嘅VIP会籍至走到，但原来个会籍只得半年有效期。
仲有，讲好话有2万蚊超市礼券，佢地一时话要到总店攞，一时又话无货，隔咗成个几月，到宜家连影都无！
分店经理: 我地有迫佢咩？(问旁边两人)
美容顾问: 吓，我地系用专业嘅美容意见同佢分析件事，只系肉紧D啫！
美容师: 个会籍写明系半年，佢赶住走无睇清楚啫！
专家拆解总结二: 意志坚定 不为所动