- 2017.01.25
美容师: 陈生，做咗半年美容护理，你块面的痘痘印唔见哂，皮肤真系越嚟越靓！
陈先生 : 系咩？全靠你啫。
美容师: 有吔用呀，做埋都唔够养头家，我个仔又话我成日唔陪佢，边似你地D高层次人士，行出嚟有型有款，又无牵无挂。
陈先生 : 边系呀。
第一击：先吹捧 再利诱：
美容师: 系嘞陈生，我地公司嚟紧举办「至型男」比赛，你一定得！赢咗唔单止一年内无限次用我地嘅美容疗程，冠亚季军，奖金分别有20万、15万同10万蚊添！
陈先生: 哇，都算大手笔噃，不过我都系…
美容师: 唔好不过啦，你系我班客中最有型果个，我知你唔志在D奖金，但你出马，一定赢！
专家拆解: 面对先吹捧 再利诱：
专家教路: 见招拆招:
美容师: 你出马，一定赢！
陈先生: 唔好啦，我做疗程系想皮肤好，唔系想同人斗型，留返比其他人玩。
第二击：说之利、动之情
美容师: 陈生你咁好人，可唔可以当帮下我？你赢咗，我都可以升做星级美容师。
陈先生: 谂谂先啦
美容师: 我升咗人工高D，仲有时间陪下个仔。嗱你都有小朋友，你最明白我地做父母嘅心态。
陈先生: 咁又系
美容师: 你都好，有太太睇住头家同细路。我就无咁嘅福气…
陈先生: 咁你又唔使讲到咁惨，点参加呀？
专家拆解: 立场坚定、咪心软冲动！
专家教路、见招拆解: 同情还同情 消费睇需要
美容师: 你都好，有太太睇住头家同细路。我就无咁嘅福气…
陈先生: 妈妈几时都咁伟大，参加比赛又要买疗程，我都系留番D钱同老婆细路去旅行。
第三击：大数化小 小数当无
美容师: 你只需要参加我地9万9蚊嘅「至型男」美容组合，有300次疗程。净系皮肤靓唔够嫁，包呢D轮廓位都FIRM埋，咁先够MAN，似足刘华咁有型！
陈先生: 哇，成9万9，贵咗D喎！
美容师: 唔贵嘞，除番每次疗程只需$330蚊，宜家仲可以分30期俾钱，平均每个月都系$3,300啫，你食餐晚饭都唔只啦！
嗱，再唔系碌咭透支住先，每期俾住Minimum Payment先，你到时只要赢到冠军果20万已经COVER哂条数啦！
陈先生: 哦…
专家拆解: 千变万变 金额不变
专家故路、见招拆招: 心中有数 不作大额预缴
美容师:
唔贵嘞，除番每次疗程只需$330蚊，宜家仲可以分30期俾钱！
陈先生:
吓，实赢「口架」？！咪啦，无论条数分几多次俾，总数都系9万9，超出哂我budget。
美容师: 呀陈生，你做埋「至型男」疗程，个样真系无得输，但身型仲差少少，不如JOIN埋我地个「十全十美」纤体疗程，包你由头型到落脚，原价10万，宜家只需8万就得！
陈先生: 唔使住啦
美容师: 今次净系报住「至型男」疗程先，麻烦喺度签个名
第四击：取卡签帐 出其不意
职员甲: (取信用卡入房): 陈先生张信用卡碌爆咗，有无另一张卡？
陈先生: 嗱，攞去。
小心: 睇清银码！
美容师+职员甲: 多谢陈生！
陈先生: 咦，吔唔系9万9？点解变咗17万9？
陈先生:
又话我张卡碌爆咗，要第二张卡。原来一张碌咗9.9万嘅「至型男」美容疗程，另一张碌埋8万蚊嘅「十全十美」纤体疗程！最离谱系，俾完钱无资格参加「至型男」嘅比赛！
美容师:
比赛单张写得好清楚，参赛者要喺半年内完成300次嘅疗程。陈先生唔够勤力，半年先做用得果百零次，个比赛都完咗。至于碌咗8万蚊纤体疗程，系佢俾埋第二张卡我碌嫁。唉佢赢唔到「至型男」，我都系受害人，做唔成星级美容师。
专家拆解总结一: 魔鬼细节 睇清睇楚