- 2017.11.13
喺财务借贷嘅世界，有借钱中介、财仔（财务公司）同财务顾问公司三种角色。不良借钱中介会假扮财务顾问公司，诱使你透过佢哋向财仔借钱，仲以「不成功、不收费」做卖点，但係即使最终你冇获批出贷款，仍然会收取高昂嘅手续费或顾问费！
其实，喺政府新规定下，财务公司一定要进行审查，确定中介未曾向借款人收取任何费用，先可以批出贷款。而借款人亦应该仔细考虑係咪必须透过中介申请借贷，真係需要嘅话，可以查阅放债人登记册。
不良借钱中介以外，你亦应小心嗰啲声称可以帮你一次过还清所有卡数嘅借钱广告。呢啲广告成日强调「方便，悭好多息」，但就刻意隐藏背后条款，令你借完之后有沉重嘅负担，或者还款期拖长好多等等严重后果。
财务公司真係你嘅救星？记得唔好轻易俾借钱广告蒙骗，借钱之前衡量自己嘅收入，谂清楚自己有冇能力偿还，同审视自己嘅消费模式，要了解清楚借钱嘅后果。
总之，「买还买，咪争落一身债呀！」
「理性消费 x 负责任贷款」特集更多文章：