- 2018.05.15
点解屋企厕纸用得咁快？
叫咗你睇消委会嗰卷装衞生纸测试报告啦！
个报告讲吔嫁？
俾3秒时间你，呢2卷厕纸，边卷重一些？
答案係左边呢卷重D，净重196克，呢卷比佢轻一半有多，只有85克，
其实消委会测试25款卷装衞生纸，呢两款分别係最轻同最重样本。
咁我拣最重果款厕纸就得。
无咁简单，测试发现25款厕纸嘅长度、同总面积，相差都达1倍左右
其中最少同最多张数嘅厕纸，相差159张！
咁我买1抽12卷厕纸，实抵用过10卷装嘞挂！
消委会採样检视了3个品牌的相关产品，
发现其中2个品牌的12卷和10卷装的每卷净重，其实差唔多。
但有1款12卷装样本，每卷平均净重比其10卷装的少20克。
其实3层同4层纸，品质相差大唔大？
测试干纸和湿纸的拉力强度，和爆裂强度，
综合来看4层比3层纸样本优胜，可能同多咗1层有关。
以5分最高，4款4层纸的纸张强度，均取得3分或以上
21款3层纸样本中，只有不足3成取得3分或以上。
其中4款3层纸只取得2分，强度表现麻麻。
有D厕纸比较难冲散，有机会整塞个厠所，测试结果係点？
在容易冲散度测试中，呢5款样本需较长时间才被冲散，
当中这3款样本，只得1.5分，若家中冲厕水较少，又或厕所渠道易淤塞，就要留意了。
讲咗咁多，我拣最贵果款买，断估质素唔会差得去边挂。
价钱和产品质素并无必然关係，
今次样本平均每卷售价约$2.2至$4.2，差异接近1倍。
每卷价钱最高和最低样本的总评，都只取得3分；
相反，呢两款每卷价钱$2.7和$3.8的样本，就取得4分。
我去买厕纸嘞！
喂，去超市睇有无优惠，有先好买！
无嘅话就去药房买，会平D嫁！
仲要留意D咩？
买埋本选择月刊返嚟，咁咪一清二楚啰。
想知更多，记得睇第499期，《选择》月刊。