林奕匡 x 浴室暖风机大比併

2017年12月14日 年月日
转发
电邮此页面

冬天浴室冻冰冰,装部浴室暖风机就唔使冻到打冷阵。消费者委员会测试咗10款浴室暖风机,唔单止检视佢地製暖效果,仲睇埋干衣速度同安全,一齐睇下测试结果。

测试包括窗口式暖风机,以及天花式,售价由$1,880至$4,800,比较佢地製暖、干衣,同通风嘅效能。

话明浴室暖风机,当然要睇佢製暖效果。如果浴室面积较大,紧要拣部Watt数大嘅暖风机啦!

大Watt数,达到2,000瓦特嘅暖风机,产生嘅热能当然较得一千几瓦特的产品多,可以快D预热浴室空间;另外天花式暖风机由于送风距离一般较短,效果会好D。

测试发现,各暖风机嘅最高出风温度,相差近30度!不过,要比较边部机暖得快,仲要睇埋暖气流量,即係将暖气带到浴室嘅速度。

呢部出风温度虽然最高,但同呢个样本一样,外壳塑胶物料未能通过阻燃测试,一旦胶料着火受热,唔能够喺30秒内自动熄灭;另外呢一部样本,绝缘距离唔符合标準要求,增加短路嘅风险,打开面板做清理时,记得先熄电掣。

测试又发现,各暖风机干衣速度差异好大。考吓你,究竟係天花式,定係窗口式暖风机嘅干衫速度快D呢?

答案係天花式暖风机干衫比较快,大约两个鐘就搞掂。其中最快果部,比起呢部要超过11个鐘先完成干衣嘅窗口式型号,足足快咗9个鐘。

浴室暖风机嘅送风量亦好重要,唔单止影响通风,送风量劲D,干衫速度都快D啦!

测试发现各样本量得嘅暖气流量,相差达2倍!样本最高暖气流量,分别由每小时58至176立方米,其中呢3部天花式暖风机较高。而呢两款窗口式暖气流量最低,可能影响干衣速度。

拣浴室暖风机要留意D吔?睇睇消委会俾你嘅贴士:

  • 记着搵合资格电工安装
  • 咪装喺又热又湿嘅地方,例如热水炉正上方
  • 唔好用湿衫遮盖出风口
  • 唔用时记得熄机,咁就既悭电又安全

想知更多买浴室暖风机嘅小贴士,记得留意494期,选择月刊

投票
选择浴室暖风机时,你认为以下哪一项至为重要?
投票统计: 846