湯洛雯 x 冷氣機測試

2018年5月15日 年月日
轉發
電郵此頁面
熱辣辣嘅夏天,喺屋企裝番部冷氣機,即時變得涼浸浸。
 
消委會測試咗市面上15款一匹嘅窗口式冷氣機,發現14款嘅製冷量,低於產品聲稱。
 
製冷量係指冷氣機將室內熱量,排到室外的速度,數值愈高,製冷速度愈快。
 
測試發現,除咗呢款製冷量,略高於聲稱外,其餘都比聲稱的低大約1至7個百分點。
 
買電器,最好揀有1級能源標籤嘅產品。
 
雖然今次所有測試樣本,都有呢個標籤,不過測試發現,當中6款達唔到1級嘅水平。
 
其中呢5款,佢嘅能源效益只屬2級。
 
更有1款,只達到3級嘅水平,差異超出咗強制性能源效益標籤計劃容許的公差範圍,結果已轉交機電署跟進。
 
考吓你,點先揀到部能源效率比較高嘅冷氣機?梗係睇佢嘅_製冷季節性表現系數,即CSPF啦!
 
製冷季節性表現系數,簡稱CSPF,是估算冷氣機全年從室內排走的總熱量,同期間部機嘅總耗電量的比率,
 
以反映佢嘅製冷能源效率表現。CSPF值愈高,能源效率愈高,亦代表愈省電。
 
喺今次測試嘅冷氣機樣本中,佢地嘅能源效率係點?
 
同產品嘅價錢又有無關係呢?答案係NO,產品價錢同能源效率嘅高低,無必然關係!
 
測試發現,各樣本嘅能源效率好參差,
 
其中CSPF數值最高與最低的樣本,相差近1成半。
 
而CSPF值最低的樣本,正是今次測試中最貴嘅樣本。
 
而呢款製冷能源效率最高,零售價比佢平3成。
 
考吓你,有無發覺,有時部冷氣機嘅風向葉,甚至機身外殼會滴水,即係所謂「機身出汗」。
 
究竟點解會咁呢?
 
原來冷氣機在濕度特別高的日子,或未能完全蒸發冷凝水,會導致所謂「機身出汗」,
 
這現象多發生於製冷量較大、機齡較高,或欠缺保養的窗口式冷氣機。
 
測試發現,9款樣本間中有少量「倒汗水」滴下,只有6款通過測試嘅要求。
 
係時候等消委會教你一D,揀冷氣機嘅小貼士!
  • 以5分最高,呢9款總評攞到4分,其中呢兩部,製冷能源效率比較高,都係唔錯嘅選擇。
  • 記得揀部CSPF較高嘅冷氣機。
  • 想時刻保持最佳能源效率,就要定期清洗同保養部冷氣機。
  • 唔想部機嘅「倒汗水」造成滋擾,可以喺底盤加裝去水膠喉。
想知更多揀窗口式冷氣機嘅貼士,記得睇第499期,《選擇》月刊
投票
選購冷氣機時,你最重視哪項因素 ?