- 2018.05.15
热辣辣嘅夏天，喺屋企装番部冷气机，即时变得凉浸浸。
消委会测试咗市面上15款一匹嘅窗口式冷气机，发现14款嘅制冷量，低于产品声称。
制冷量系指冷气机将室内热量，排到室外的速度，数值愈高，制冷速度愈快。
测试发现，除咗呢款制冷量，略高于声称外，其余都比声称的低大约1至7个百分点。
买电器，最好拣有1级能源标签嘅产品。
虽然今次所有测试样本，都有呢个标签，不过测试发现，当中6款达唔到1级嘅水平。
其中呢5款，佢嘅能源效益只属2级。
更有1款，只达到3级嘅水平，差异超出咗强制性能源效益标签计划容许的公差范围，结果已转交机电署跟进。
考吓你，点先拣到部能源效率比较高嘅冷气机？梗系睇佢嘅制冷季节性表现系数，即CSPF啦！
制冷季节性表现系数，简称CSPF，是估算冷气机全年从室内排走的总热量，同期间部机嘅总耗电量的比率，
以反映佢嘅制冷能源效率表现。CSPF值愈高，能源效率愈高，亦代表愈省电。
喺今次测试嘅冷气机样本中，佢地嘅能源效率系点？
同产品嘅价钱又有无关系呢？答案系NO，产品价钱同能源效率嘅高低，无必然关系！
测试发现，各样本嘅能源效率好参差，
其中CSPF数值最高与最低的样本，相差近1成半。
而CSPF值最低的样本，正是今次测试中最贵嘅样本。
而呢款制冷能源效率最高，零售价比佢平3成。
考吓你，有无发觉，有时部冷气机嘅风向叶，甚至机身外壳会滴水，即系所谓「机身出汗」。
究竟点解会咁呢？
原来冷气机在湿度特别高的日子，或未能完全蒸发冷凝水，会导致所谓「机身出汗」，
这现象多发生于制冷量较大、机龄较高，或欠缺保养的窗口式冷气机。
测试发现，9款样本间中有少量「倒汗水」滴下，只有6款通过测试嘅要求。
系时候等消委会教你一D，拣冷气机嘅小贴士！
- 以5分最高，呢9款总评攞到4分，其中呢两部，制冷能源效率比较高，都系唔错嘅选择。
- 记得拣部CSPF较高嘅冷气机。
- 想时刻保持最佳能源效率，就要定期清洗同保养部冷气机。
- 唔想部机嘅「倒汗水」造成滋扰，可以喺底盘加装去水胶喉。
想知更多拣窗口式冷气机嘅贴士，记得睇第499期，《选择》月刊。