- 2017.04.18
酸酸甜甜的乳酪，大人細路都中意，佢含有益生菌，令腸道健康。不過有D乳酪的糖分，真係唔講得笑，以為食咗可以減肥，但揀咗糖含量高的乳酪，分分鐘令你越食越肥！
呢3個小朋友手上的3款乳酪，包括
原味無添加糖乳酪 原味添加糖乳酪 士多啤梨味乳酪
究竟邊款糖含量最高？
咪就係原味添加糖乳酪！
肥死你啊
其實你果隻士多啤梨味都唔好得幾多！
消委會搜集市面上45款預先包裝的乳酪樣本
根據營養標籤顯示，原味添加糖乳酪的平均糖含量最高！
每100克乳酪，平均糖含量高達13.2克，最甜係你啦！
佢的糖含量，足足比原味無添加糖的乳酪高出約1.2倍！
其中1款，每100克含18.8克糖，比同款最低糖含量7.7克，高出超過1.5倍！
至於排第二的士多啤梨味，每100克，平均糖含量都有12.6克！
小朋友！不如轉食無添加糖的乳酪
但加咗糖的乳酪真係好食D噃
NO SUGAR, NO WAY
媽咪話我仲細個，有空間食甜嘢！
咪以為糖分過多對你地無影響，攝入過多的糖，唔單止增加蛀牙的機會，仲有超重同患肥胖症的風險！
咁點算呀？
大家揀乳酪時，宜細閱營養標籤資料，選購脂肪和糖含量較低，而鈣質和蛋白質含量較高的產品，並選用配料表中牛奶成分排在較前，及糖成分排在較後位置的產品。
以代糖取代蔗糖的乳酪，確能減少糖含量，但有些人士不能食用代糖或對代糖存有顧慮，就應留意產品是否真無添加糖，抑或是以代糖或甜味劑作為代替。
又考下你3個，希臘乳酪同希臘式乳酪有咩分別？
A: 吓？
C: um…
B: Can’t tell the difference
唔好話你地，其實好多大人都未必知！美國同香港的法例，都未就希臘乳酪的命名下定義。不過英國就有案例，只有係希臘生產的乳酪，先可以叫希臘乳酪，其他地方生產的或模仿希臘乳酪口感或製造方法的，都只可以叫希臘式乳酪。
講咗咁多，等大廚出場，教你地做一D低糖又好味的乳酪啦！
食用乳酪時可配搭適量的鮮果、無添加糖的乾果、無鹽果仁等，有助提升營養和口感/味道。最重要是保持均衡飲食，避免因偏食而過多食用單一種食物。
考下你地
想知多D同乳酪有關的資訊，可以睇邊期《選擇》月刊…
486期！