- 2017.11.02
佢哋，无处不在。你去到边，都跟住你。慢慢，你开始控制唔到自己，跌落不能自救嘅深渊......网购嘅诱惑就係咁大。
网购越嚟越贴身。要买嘢越嚟越方便，行街、上网，喺电脑、手机click一click，24小时都有嘢买。购物变得方便，令人容易消费成瘾，丧买，之后争落一大堆卡数，到还款日，急住要钱上嚟就容易跌入借钱陷阱。
以为自己唔会中计？ 其实你嘅消费模式同使钱原则， 好有可能已经被狡猾嘅借钱广告慢慢改变。
借钱广告就好似魔鬼，用「方便，悭好多息」做招徕，刻意隐藏背后嘅条款同恐怖后果。而且呢啲广告无处不在，周围试探诱惑喜爱消费嘅年轻人，稍一不慎就会动摇，跌落借钱深渊。以为卖得广告，呢啲财务公司实信得过、以为低息就係悭息，其实最后咪又係要你越借越多，还款期越拖越长！搞到一毕业出嚟赚钱就揹住笔债，还到结婚生仔都未必还完。
过度消费除咗衍生债务负担，仲可能导致精神或者情绪困扰，严重嘅甚至令你同家人朋友关係破裂。
所以话：先使未来钱，越借越可怜！后果咁恐怖，你仲唔快啲时刻提醒自己节制嘅重要？
「理性消费 x 负责任贷款」特集更多文章：