- 2018.01.15
冻冰冰嘅冬天，唔想成身包到隻糉咁，着返件又薄又轻嘅保暖内衣，就算几COOL都可以变暖男！
想知点拣保暖内衣？即刻睇睇消委会嘅测试结果。
消委会拣选咗市面上20款声称保暖、防寒的长袖内衣，
包括15款内衣，同5款运动或户外活动时着嘅底层衣，测试佢地嘅保温值，即係clo係几多。
测试结果发现，15款日常穿着的保暖内衣，最高同最低嘅保温值相差约一倍。
其中呢款样本嘅保温值最高(0.23 clo)，但呢两款嘅保温值，足足比佢少一半。
考吓你，D保暖衣洗咗30次后，会唔会变得无咁保暖呢？
答案係，绝大部分样本的保暖程度无减少，部分更高于未洗之前！
呢款喺无洗过前，保暖值包尾嘅样本，洗咗30次后，竟然变成第2位，保温值增加咗1.8倍，
估计係清洗多次后，布料蓬鬆度增加，纤维间能够keep住更多空气。
不过呢款就相反，洗完30次，佢嘅保温值反而跌咗6成！
保暖衣唔单止要够暖，想着得舒适，仲要睇佢排汗快干嘅能力，尤其于寒冬时做运动,
否则一旦出汗，着住佢喺室内，会觉得又焗又湿；出到户外，俾D凉风吹吓，随时涷到打冷震！
测试发现8款保暖内衣吸水能力比较弱，布料需要多于一分鐘，先可将布料上的水珠完全吸收。
其馀样本的吸水时间则由1秒至12秒不等。
买保暖衣，仲要睇布料嘅透水气度，度数愈高，代表越快将人体新陈代谢产生嘅「湿气」送走，
唔会黏喺皮肤同件衫之间，着起嚟自然通爽舒服D啦。测试发现各样本嘅透水气度差唔多，其中呢9款表现较好。
衫着得愈耐，愈易起毛球。今次测试，考验布料分别磨擦咗125次、500次及2,000次后嘅表现，
睇吓边款最襟磨！
答案係呢4款表现最好，喺多次磨擦后，样本外观无明显分别。
其馀样本表面就出现唔同程度的毛球，磨擦次数愈多，表面愈多毛球。其中呢6款表现较差。
保暖衣洗得多，唔单止会起毛球，仲有机会缩水或变形，不过今次大部分样本，洗咗多次后情况都唔算严重。
想今个冬天几时都暖笠笠，睇吓消委会有咩好贴士:
- 怕涷、又不怎样好动的朋友，可以选择保暖度较高的日常保暖内衣。
- 好动又容易出汗的朋友，可以拣透水气度高、排汗快干较快嘅运动底层衣。
- 运动底层衣比较耐用，但如果嫌价格较高，不妨考虑排汗快干表现唔错但价格相对较便宜的日常内衣。
想知更多拣保暖内衣嘅贴士，记得留意495期，选择月刊。