- 2016.06.15
消委会同食安中心合作，测试在本地食肆较常见的4大类，一共130个较常见汤水样本，睇睇佢地嘅钠含量。
世界卫生组织建议一般成年人每日的钠摄取量应少于2000毫克，即系大约5克盐。
根据食安中心过去嘅调查发现，市民平均每日饮大约240克汤水，即系一碗汤嘅份量，占咗每日建议摄取钠含量嘅36%！每日饮到两碗半汤水嘅朋友，摄取到嘅钠含量，更加高达每日建议摄取限量嘅九成。
其中一款冬荫功汤样本嘅钠含量最高，达到每100克含840毫克钠。饮一碗240克果款冬荫功汤，已经超出世卫建议，每日2000毫克嘅钠摄取量！
好似今次测试10嘅款冬荫功汤，钠含量最低嗰款，每100克汤含370毫克钠，足足比最高嗰款少一半钠含量！
消委会建议食肆改良食谱，调味时咪咁重手，咁就可以减少汤水嘅钠含量，消费者每次饮汤都要留意分量。