- 2016.04.14
考下你，牛奶同牛奶饮品有吔分别？
牛奶系指纯牛奶，包括咗离脂奶同忌廉，牛奶的奶脂不得少于3.25%。
牛奶饮品则系指将流质奶脂，同由牛奶衍生的其他固体，合成的饮品。奶类饮品所含奶脂不得少于0.1%。
好多时产品包装嘅成分表上，会见到呢D字样。
留意啦，「牛奶」(milk)，同「牛奶饮品」(milk drink或者 milk beverage)唔同，千奇唔好搞错呀。
新鲜？
如想选择较「新鲜」的牛奶或牛奶饮品，消费者就应留意包装上生产日期及食用日期，亦可以留意杀菌处理嘅标示！
一般「巴士德消毒 Pasteurized」的产品较「超高温处理 UHT Processed」的产品新鲜，保质期短好多。
不过，巴士德消毒法处理嘅牛奶，并唔系完全无菌，只是每毫升不应含多于3万个细菌；
如果运输时车厢温度过高、放喺室温过耐、店铺低温柜嘅温度不够低，牛奶入面嘅细菌就有机会繁殖，增加数量；
高钙低脂奶？
买牛奶嘅时候，记得留意营养标签的含量标示去选择。
成人及长者可以选择饱同脂肪含量较低嘅产品，同时留意产品系咪属高钙牛奶或牛奶饮品。
所谓「高钙」嘅饮品，系指每100毫升中，含120毫克或以上的钙。
牛奶vs奶粉
咁牛奶同普通牛奶奶粉，边种比较有营养？应该点拣呢？
奶粉制造过程中，牛奶由液体转为固体，喺加热时，一d水溶性维他命就较容易被破坏，但生产商通常会额外添加营养，所以营养含量是差不多。
市面上普遍可以买到嘅全脂牛奶同全脂牛奶奶粉，营养成份其实大致相同；
佢地都提供差不多嘅热量、蛋白质、脂肪同碳水化合物。
想知更多点样选购奶类饮品的小贴士，记得买番本474期的选月刊！