Skip to main content

保濕面膜大比拼

  • 2017.04.18

保濕面膜大比拼

想皮膚幾時都好似飲飽水咁,唔少人都會好似我咁,得閒敷吓面膜補吓濕。不過市面上嘅面膜真係花多眼亂,個個都讚自己係人氣補濕產品,究竟點揀呢?

今期《選擇》月刊測試40款面膜樣本,實行嚟個保濕效能大比併,仲睇埋佢地有無致敏成分,結果係點?即刻睇睇啦!

今次測試嘅40款面膜,售價由$12蚊至880蚊不等,測試量度皮膚喺敷面膜後1小時、3小時,同6小時後水分增減。

結果發現,呢款面膜(#3)在敷完1小時,皮膚水分增幅顯著,攞到最高嘅5點評分

相反,有4款面喺敷後1小時,皮膚水分只有輕微甚至無增加,只得2點,甚至1點半評分。

測試發現,敷完面膜6小時後,(#5)呢款面膜仍然維持較高嘅保濕程度,攞到5點評分。

綜合3個時段評分,呢6款樣本(#1,2,3,5,7,8)嘅保濕效能攞到4分嘅較佳成績,每塊平均售價由$13.8至$32.8不等。

 

消委會嘅測試報告再一次話俾大家知,價錢同產品質素未必有必然關係。

40款樣本中,除開每塊平均售價最平,同最貴嘅面膜(#37: $3.1 & #32: $108.3),總平都只係攞到3分。

 

揀面膜,除咗補濕外,仲要留意佢地嘅成分架!

測試發現一款面膜樣本含有呢種防腐劑,有研究指呢種化學成分可能會影響人體的荷爾蒙,屬於干擾內分泌的化學物質,內地同歐洲已經禁止喺化妝品使用。

 

另外,呢3款面膜檢出可致敏防腐劑MIT,其中呢款更超出內地規定上限。

歐洲喺今年初已經禁止化妝品使用MIT,消委會已經將有關結果交俾海關跟進。

 

今次測試又發現,一款樣本含有可遷移螢光物質

可遷移螢光物質係一種喺紡織品,或紙品中嘅合成熒光增白劑,皮膚接觸到,有機會出現過敏反應,佢喺紫外線照射下會出現螢光,有機會造成尷尬。

 

唔少人敷面膜以為越耐越好,甚至唔捨得洗,但咁樣未必啱㗎,最緊要睇清楚標示嘅正確使用方法。仲有消委會俾你嘅小貼士:

  • 唔好以為敷完面膜就大曬,日常嘅保濕都好重要。
  • 另外,一D不含防腐劑嘅面膜,保質期相對較短,記住啦!

 

購買面膜時,貴價唔一定最好,無論你係唔係敏感膚質人士,都要留意標籤成分呀!想知多d揀保濕面膜嘅貼士,記得留意486期《選擇》月刊