- 2017.08.15
近年航拍愈來愈流行，但點先玩得開心又安全？睇睇消委會嘅航拍機測試報告啦！
今次測試的11款航拍機，表現都幾參差。總評分由4.5至2.5分不等。不要以為價錢越高，評分越高。以5分為滿分，最貴的樣本只獲3.5分。相反總評獲最高分，和排第二位的兩個樣本，價錢由3千8，至7千7百幾不等。
在微風中進行測試，這2款表現最好，獲得最高的5分。但這款樣本偏離預設位置幅度較大，只有2.5分。有資深攝影師說，航拍機的穩定性好重要，特別在升降前一刻，更加不容有失。
起飛降落如果有風吹，自己不小心，而處於不夠空曠的空間的話，就可能部機會吹回來傷到自己。航拍機對操控指令的反應好重要，這款靈敏度高做不同飛行動作都得心應手，獲得5分。
這款的靈敏度較差，較難進行細緻嘅飛行動作，所以只係得2分。大部分樣本在日間戶外拍片影相的質素都不差，但在靜止同低光環境下就質素參差。其中這3款在低光環境下更只獲1分。不過大家要留意，民航處的指引只可在白晝放飛無人機。
玩航拍機最怕部機一飛沒回頭，測試的全部樣本都能夠成功自動回航。另外這2款設有自動感應及避開障礙物功能。不過大家用航拍機時，不要依賴這些安全功能。
玩航拍機，安全最重要。民航處建議，飛行高度唔可以超過300呎。機場同飛機升降航道附近屬於禁飛範圍，仲要遠離直升機坪、人群、船隻、車輛同建築物。
其實三四年前就試過有同事接觸初一代的無人機嘅時候曾經飛過上天, 然後部機就失控。由於下面有好多人，他不想傷害到人群。掉下來的時候他用雙手接住部機，令到自己嚴重受傷，所以如果無人機的初學者就真的要小心。
另外，要注意私隱問題，千奇咪用航拍機偷拍人地住家單位內的情況。
大家玩航拍機，仲要記住消委會俾你的貼士！
- 先閱讀說明書，瞭解操控方法
- 參加製造商舉辦的簡介會或訓練班
- 不應在大風或惡劣天氣下放飛
- 不要從無人機投下任何物件