Skip to main content

梁嘉琪 X 潤膚乳測試

  • 2017.02.15

精明消費,選擇無閉翳!
見到我嘉琪,緊係又有生活小貼士俾大家。
咪睇我皮膚咁水潤,其實我時時刻刻靠佢嘅滋潤,佢係吔?咪係潤膚乳囉!

究竟點揀潤膚乳,等消委會嘅《選擇》月刊話你知啦!
今期選擇搜羅咗市面上超過60款搽身用嘅潤膚乳樣本。

礦物油成分係潤膚乳常見嘅成分,聽講話佢會塞住D毛孔,仲會搞到皮膚生一粒粒粉刺,甚至可能致癌。想知真定假?等選擇月刊話你知啦!

礦物油成分係石油副產品,用喺化妝品度,已經有過百年歷史,主要用作減少水份流失。最有效的是礦脂,但較黏膩。而工業用未經淨化嘅礦物油,可能含有呢種致癌物質(多環芳香烴(polycyclic aromatic hydrocarbons,簡稱PAHs) 

不過用喺化妝品嘅礦物油成分,一般屬於化妝品級別,甚至藥用級別,經過多重提煉程序,可以大大減少,甚至完全去除致癌物質;另外有海外研究報告指,化妝品級別的礦脂同礦物油,唔會令人生粉刺。安樂曬!

至於今次消委會檢視的61款樣本中,有30款標示含有唔同種類嘅礦物油成分

不過大家仲要留意一種叫羊毛脂嘅密封保濕劑。
有D人用後會生皮疹同皮膚紅腫等,有傷口嘅朋友就更加要小心!

消委會發現樣本中有2款產品標示含有羊毛脂,未必適合對羊毛脂或羊毛脂醇敏感嘅人選用。

皮膚護理產品一般都會添加唔同嘅保濕劑,不過唔係個個都啱用,
好似丙二醇。

荷蘭有研究報告發現,含有高濃度丙二醇嘅護膚品,可能令BB生皮膚炎,建議唔好用於2歲以下BB身上。
喺樣本中,有16款標明含有丙二醇,包括1款聲稱適合敏感皮膚或濕疹患者使用嘅產品。

提提你啦,含尿素嘅護膚品不宜用於3歲以下BB,否則可令皮膚刺痛或產生灼熱感覺。

樣本中呢兩隻都標示含有10%尿素,而呢款樣本(#60不用讀)亦係以尿素作為重要成分。做媽媽要特別留意嘞,如果自己嘅護膚品有丙二醇或尿素,就唔好用喺BB身上

唔想搽完潤膚乳後身痕,或又紅又腫等敏感癥狀,仲要留意有無香料,同可致敏香料成分!

呢10款都標示無添加香料及無可致敏香料成分,對香料敏感嘅朋友,可以考慮選用;不過,有33款標示含有1種至最多12種可致敏香料成分,大家留意。

其中呢2款標示所含的可致敏香料成分達到10種或以上。

除咗香料外,7款樣本標示含可釋出甲醛防腐劑,部分人用後皮膚有刺激反應,有濕疹嘅朋友更加要小心選用。

係時候消委會教大家一D揀潤膚乳嘅小貼士啦!

想知點揀潤膚乳?唔使頭痕,學我嘉琪咁,齊齊睇484期《選擇》月刊啦!