- 2017.01.16
呢D五顏六色的兒童指甲油，睇落去好CUTE好得意，但咪當佢係玩玩下嘅玩具，始終係搽上手指甲，同樣應該符合化妝品嘅規定，家長幫小朋友選擇呢D產品千萬不要掉以輕心。
今次消委會搜集咗市面上13個型號的兒童指甲油，包括8個獨立支裝，同5個套裝型號，檢測它們的化學成分和衞生情況。
測試發現，有3款套裝樣本檢出致癌物苯。
2款樣本屬微量水平。但有1款套裝的兩支指甲油，苯含量高於歐洲化學品管理局針對玩具及部件中5ppm的上限規定
苯具有揮發性，會經由呼吸吸入，可能會刺激皮膚、眼睛和呼吸道，和癌症、貧血有關，公眾應盡量避免接觸。
除了苯，塑化劑DBP同樣是化妝品禁用成分，這種物質有干擾內分泌，具生殖毒性、免疫力毒性和神經毒性等潛在危險。
13個型號中，發現1個套裝型號的兩款指甲油，DBP的含量遠高於100ppm，本會建議停用有關型號。
另外，5款型號檢出可致敏防腐劑MIT和CMIT，有機會令兒童產生皮膚過敏反應。其中1款套裝的兩支指甲油，MIT含量稍高於內地和歐盟0.01%的上限規定。
另1款獨立支裝指甲油更同時檢出MIT和CMIT，含量超出0.0015%的上限規定。
有9個型號檢出甲醇，有1款檢出少量微生物，但均未有超標。
提提大家，避免讓有吮手指習慣的兒童搽指甲油，因為這些產品較易剝落或磨蝕，容易令小朋友誤吞指甲油薄膜碎屑，尤其是部分型號會配合套裝內的貼紙和閃石一併使用，同樣可能增加兒童誤吞異物的機會。睇睇消委會其他小貼士
消委會建議：
- 水性指甲油一般需數分鐘才乾透，避免兒童在期間捽眼或拿取食物。
- 減少使用次數和時間，盡可能卸除指甲油後才進食。
- 搽指甲油時，保持空氣流通，遠離火種。如皮膚出現痕癢或紅疹，應立即停用。
總之，爹D媽咪幫我地揀兒童指甲油時，記住睇清楚成分標籤呀。
想我地玩得開心又安全，記得留意483期《選擇》月刊啦！