- 2016.12.20
講開雞肉嘅菜式真係千變萬化，有豉油雞、鹽焗雞、燒春雞、炸子雞、乞兒雞，總之「咪走雞」。不過無論點食法，最緊要係健康。
消委會首次喺香港進行大型嘅雞肉含耐藥細菌嘅測試，結果係點，一齊睇吓：
測試結果：
消委會首次檢測香港人常吃的雞肉，看看它們含耐藥性細菌的情況。睇測試結果前，先認識今次檢測的超級細菌。
ESBL耐藥腸桿菌科細菌（extended-spectrum β-lactamase-producing Enterobacteriaceae）：
ESBL 超廣譜乙內酰胺酶耐藥腸桿菌科細菌。人類如果進食未完全煮熟的肉類，有機會感染這種可以分解例如青霉素和3GC等的乙內酰胺類抗生素的超級細菌。
3GC 第三代頭孢菌素（third-generation cephalosporins）：
所謂3GC抗生素，是第三代頭孢菌素，主要用來治療對人類生命有嚴重威脅的疾病，例如細菌性腦膜炎。世衞形容3GC抗生素是「極為重要」的抗菌藥。
今次消委會在市面上隨機搜集了100款全雞及雞翼樣本，當中68個樣本對3GC抗生素呈耐藥性。經進一步化驗，其中62款，含有可以分解3GC的ESBL耐藥腸桿菌科細菌。
儲存溫度vs 耐藥性
檢測結果又發現，全部(100%)新鮮雞樣本都有ESBL耐藥腸桿菌科細菌。
有供應商表示，新鮮雞是本地活雞，即日劏、即日賣，劏的時候保持在8-12度，以高於冰點的溫度處理，是要避免影響肉質，售賣時暫時在雪櫃儲存。
排第二、三位的是即劏即賣的活雞，和冰鮮雞，分別有92%和70%樣本發現這款細菌。
至於經急凍後解凍的冰鮮雞肉(33%)，和急凍雞肉樣本(32%)，找到這種細菌的比例相對較低。另外冰鮮雞在0°Ｃ至4°Ｃ環境下儲存，細菌會減慢繁殖，至於急凍雞肉，在-18°Ｃ或以下的低溫儲存，細菌會停止繁殖。
「有機」雞肉不含耐藥性細菌？
另外今次研究涵蓋16款聲稱「有機」的雞肉樣本，其中有6款檢出ESBL耐藥腸桿菌科細菌。其實獲「有機」認證是食物生產的過程，並非食物的最終品質。其實在運輸、屠宰、包裝等過程中，有機會被交叉污染。
給消費者的貼士：
切勿生熟肉共用砧板
處理完生肉徹底清潔雙手
打邊爐或燒烤，避免生熟肉交叉污染
將生肉完全煮熟才進食
睇完測試結果，究竟消費者又要注意D吔呢？
一隻雞喺農場飼養到煮好上碟，中間經過好多程序，例如雞苗係邊度孵化、飼料係點調配、農場環境係咪過份擠迫、劏雞嘅屠房有無徹底消毒、運輸途中冷藏溫度會唔會過高、到買番屋企你點煮，只要其中一個環節有問題，都可能出現交叉污染。
喺屋企煮餸時，生熟肉唔好共用砧板，處理完生肉，記得徹底清潔及消毒雙手。
如果有傷口，記得用消毒膠布包好，避免接觸生肉。如患有腸胃感染，應避免處理食物。
仲有，天寒地涷，無論打邊爐或燒野食時，都要避免生熟肉交叉污染。
用過嘅刀、砧板及煮食器具應用熱水同洗潔精洗淨，仲要用已經稀釋過嘅漂白水清潔環境。
耐藥細菌同一般細菌一樣，可用高溫殺死，大家只要將生肉完全煮熟，就可以減低進食到耐藥細菌的機會。
大家留意啦，高危人士，例如長期病患、免疫力較弱、以至接受緊抗癌治療的人士，要特別小心，避免受到感染。
除咗消費者之外，睇吓消委會對政府同業界有吔建議：
給政府的建議：
- 檢視農場飼養環境的指引，向農場提供相關的教育及協助
- 檢視現有法例，逐步停止常規性地簽發抗生素許可證，並列明抗生素只在獸醫處方下作治療定期在農場以至零售點抽檢肉類
- 改善由飼養到銷售流程，減少交叉污染
給業界的建議：
- 農場應提供足夠飼養空間
- 引入預防性用途的疫苗
想食雞肉食得安心又健康，記得留意482期選月刊啦！