林奕匡 x 浴室暖風機大比併

2017年12月14日 年月日
轉發
電郵此頁面
 

冬天浴室凍冰冰,裝部浴室暖風機就唔使凍到打冷陣。消費者委員會測試咗10款浴室暖風機,唔單止檢視佢地製暖效果,仲睇埋乾衣速度同安全,一齊睇下測試結果。

測試包括窗口式暖風機,以及天花式,售價由$1,880至$4,800,比較佢地製暖、乾衣,同通風嘅效能。

話明浴室暖風機,當然要睇佢製暖效果。如果浴室面積較大,緊要揀部Watt數大嘅暖風機啦!

大Watt數,達到2,000瓦特嘅暖風機,產生嘅熱能當然較得一千幾瓦特的產品多,可以快D預熱浴室空間;另外天花式暖風機由於送風距離一般較短,效果會好D。

測試發現,各暖風機嘅最高出風溫度,相差近30度!不過,要比較邊部機暖得快,仲要睇埋暖氣流量,即係將暖氣帶到浴室嘅速度。

呢部出風溫度雖然最高,但同呢個樣本一樣,外殼塑膠物料未能通過阻燃測試,一旦膠料著火受熱,唔能夠喺30秒內自動熄滅;另外呢一部樣本,絕緣距離唔符合標準要求,增加短路嘅風險,打開面板做清理時,記得先熄電掣。

測試又發現,各暖風機乾衣速度差異好大。考吓你,究竟係天花式,定係窗口式暖風機嘅乾衫速度快D呢?

答案係天花式暖風機乾衫比較快,大約兩個鐘就搞掂。其中最快果部,比起呢部要超過11個鐘先完成乾衣嘅窗口式型號,足足快咗9個鐘。

浴室暖風機嘅送風量亦好重要,唔單止影響通風,送風量勁D,乾衫速度都快D啦!

測試發現各樣本量得嘅暖氣流量,相差達2倍!樣本最高暖氣流量,分別由每小時58至176立方米,其中呢3部天花式暖風機較高。而呢兩款窗口式暖氣流量最低,可能影響乾衣速度。

揀浴室暖風機要留意D吔?睇睇消委會俾你嘅貼士:

  • 記著搵合資格電工安裝
  • 咪裝喺又熱又濕嘅地方,例如熱水爐正上方
  • 唔好用濕衫遮蓋出風口
  • 唔用時記得熄機,咁就既慳電又安全

想知更多買浴室暖風機嘅小貼士,記得留意494期,選擇月刊

投票
選擇浴室暖風機時,你認為以下哪一項至為重要?