- 2017.04.18
保湿面膜大比拼
想皮肤几时都好似饮饱水咁，唔少人都会好似我咁，得闲敷吓面膜补吓湿。不过市面上嘅面膜真系花多眼乱，个个都赞自己系人气补湿产品，究竟点拣呢？
今期《选择》月刊测试40款面膜样本，实行嚟个保湿效能大比并，仲睇埋佢地有无致敏成分，结果系点？即刻睇睇啦！
今次测试嘅40款面膜，售价由$12蚊至880蚊不等，测试量度皮肤喺敷面膜后1小时、3小时，同6小时后水分增减。
结果发现，呢款面膜(#3)在敷完1小时，皮肤水分增幅显著，攞到最高嘅5点评分
相反，有4款面喺敷后1小时，皮肤水分只有轻微甚至无增加，只得2点，甚至1点半评分。
测试发现，敷完面膜6小时后，(#5)呢款面膜仍然维持较高嘅保湿程度，攞到5点评分。
综合3个时段评分，呢6款样本(#1,2,3,5,7,8)嘅保湿效能攞到4分嘅较佳成绩，每块平均售价由$13.8至$32.8不等。
消委会嘅测试报告再一次话俾大家知，价钱同产品质素未必有必然关系。
40款样本中，除开每块平均售价最平，同最贵嘅面膜(#37: $3.1 & #32: $108.3)，总平都只系攞到3分。
拣面膜，除咗补湿外，仲要留意佢地嘅成分架！
测试发现一款面膜样本含有呢种防腐剂，有研究指呢种化学成分可能会影响人体的荷尔蒙，属于干扰内分泌的化学物质，内地同欧洲已经禁止喺化妆品使用。
另外，呢3款面膜检出可致敏防腐剂MIT，其中呢款更超出内地规定上限。
欧洲喺今年初已经禁止化妆品使用MIT，消委会已经将有关结果交俾海关跟进。
今次测试又发现，一款样本含有可迁移萤光物质。
可迁移萤光物质系一种喺纺织品，或纸品中嘅合成荧光增白剂，皮肤接触到，有机会出现过敏反应，佢喺紫外线照射下会出现萤光，有机会造成尴尬。
唔少人敷面膜以为越耐越好，甚至唔舍得洗，但咁样未必啱㗎，最紧要睇清楚标示嘅正确使用方法。仲有消委会俾你嘅小贴士：
- 唔好以为敷完面膜就大晒，日常嘅保湿都好重要。
- 另外，一D不含防腐剂嘅面膜，保质期相对较短，记住啦！
购买面膜时，贵价唔一定最好，无论你系唔系敏感肤质人士，都要留意标签成分呀！想知多d拣保湿面膜嘅贴士，记得留意486期《选择》月刊。https://echoice.consumer.org.hk/sc/issue/486