Skip to main content

网上维修咪大意

  • 2017.02.15

消费者委员会在去年收到超过2,300宗涉及维修及保养的投诉,数字升咗15%,网上提供呢类服务嘅公司真系花多眼乱,D公司网页仲承诺多多……

UPSOUND:
我地「不成功不收费」!
唔使惊,维修后有保养期,执到掂为止!

但实情系点,睇吓消委会收到嘅呢3个真实个案啦!

个案一:违反服务承诺  拖延跟进
许生:  个厕所又塞咗,点算?! 上网搵帮手先。

通渠佬: 搵我帮手啦,唔掂唔收钱!

通渠佬大力敲门 
许生开门
通渠佬凶神恶煞:系咪姓许?
许生定睛一望:系
通渠佬:咁啱啦 
通渠佬开门,推开许生,自行走入屋内。
许生不知所措

通渠佬捏鼻检查马桶                                                                                                                                                                                                                                                                                                                                                                                                                                                                                             
许生慌慌张张:点呀?
通渠佬:喂大佬你呢个唔掂喔,要用出动高压水枪喔
许生:高压水枪?
通渠佬:无错,3000蚊,一开包你水到渠成,仲使谂?
许生:哦咁…好啦

通渠佬:搞掂!有乜问题,一礼拜内出声,系咁
许生:哦好,唔该…(关门声)…晒…

一日,许生想去厕所,发觉又塞,即刻致电A公司

许生:你好,我前几日先通完渠,而家又塞咗啦!
通渠佬chok声:唔好意思啊许生,我地暂时联络唔到负责你果区嘅师傅啊,你过几日再打黎啦。
许生:吓,咩话?喂?

几日后… 

许生:你地咁样拖法系想点啊?
通渠公司:许生,过咗成个礼拜先打嚟,再通要收钱㗎!
许生:吓?上次通完无几日我就打过比你,咁都叫超过一礼拜?
通渠公司:系啊,下次请早。
许生无奈,生气

许生:个网页度明明讲唔成功唔收钱,仲要拖到过咗保养期先复我。唔得,搵消委会帮手

通渠佬:无得倾,渠已通,同埋讲明一次性工程,唔会有保养。

个案二:单据地址不符  无如实更换零件
Vo: 跟住嘅个案,方小姐屋企部冷气机漏水,上网搵咗B公司维修,以为价钱标价几合理,点知到俾钱先知中计!

修理工敲门
方小姐开门
修理工(假惺惺笑容):你好啊方小姐,我嚟整冷气机㗎。
方小姐:哦,你好,入嚟啦
修理完毕
修理工:咁应该无问题啦,总共就750蚊。
方小姐:ok,唔该晒(递钱)
修理工:多谢晒~bye~(假惺惺笑容)

(二个月后)

方小姐很热,开冷气
举手试探,发觉无冷气,拿起手机,预约:喂?我想预约冷气维修,之前整过,又坏咗啦!
B公司:无问题!我地即刻约师傅! 

街边,手机msg铃声
佣人voice msg:师傅上门整好咗啦,补咗雪种同换电容,总共$1,050。
方小姐望住手机
内心:换电容?

方小姐翻到屋企,发觉部冷气机根本未整好,同埋又漏水,佢再搵其他师傅嚟整,发觉原来根本无换过电容,于是再搵B公司追讨,点知…

方小姐:唔单止无同我换电容,跟住单据上的地址根本揾唔到间铺。好彩我经消委会揾到间公司。

咁人工同及物料都要钱嫁,算嘞,退返500蚊当无数嘞!

不过,B公司最后都无确认退款安排。

个案三:报价与收费不一  更换零件各执一辞
Vo:第三单个案,林小姐电脑坏咗,搵人上门维修,点知钱收咗,承诺嘅服务却一样都无做到,俾嘅钱都贵过报价,究竟咩一回事?

敲门
林小姐开门
维修员:hello,整电脑架
林小姐:你好啊,请入黎啊

两人望住电脑
维修员㩒两下电脑
电脑黑屏幕,没反应
维修员:经我初步及详细嘅检查,你部机相信系主板损坏,需要带翻公司做详细检查。
维修员合上电脑,林小姐疑惑眼神。
维修员:咁,检查费就280蚊,迟d有消息我哋再打比你啦。
林小姐:咁,好啦
维修员拿起电脑,起身离开

电话响
林小姐接电话:喂?
维修员:喂,你好啊,我系电脑维修公司架,经过我地进一步详细嘅检查,你部机个主板真系坏咗啦!咁呢,你可以换主板,就1200蚊。但我地就强烈建议你换部新机,就3200蚊。
林小姐:哇,咁贵架,我唔整啦,你地还部机我啦!
维修员:你唔好咁急先,你谂下,你电脑里面实有很多资料未backup啦,唔整点得啊?一系咁,比个折你,800蚊换新主板,轻轻松松两年寿命,我包保你出面无咁低价,点睇先?
林小姐:um…咁,好啦
维修员:ok,就咁话!

几日后
维修员:部脑整好咗,无问题就签埋张单
维修员递上电脑
林小姐接过电脑,一番检查:ok啊
维修员:咁就麻烦比埋钱啦,总数$1080
林小姐:吓?之前倾好咗话800喔,又加价?
维修员:哦,仲有280系人工费。唉就当体谅下我哋呢d打工仔啦。
林小姐:唉好啦好啦。

过咗几个月…
林小姐:部电脑又坏!

林小姐:我打开机身,先现觉原来之前根本无换过主板!

维修员:我地无承诺过帮林小姐更新主板,单据已经列明净系修理损坏部分,同埋已经过左7日保养期,无理由再帮佢整

唔想成为下一个受害者,睇睇消委会俾你嘅贴士啦!

经网上搜寻揾维修,记得先核实商户嘅地址同联络方法等;

睇清楚涉及维修服务、收费同保养服务等条款细则;

记得要求攞出正式单据

问清楚有无保养期,同有问题时跟进方式,记得要商户清楚列喺单据上,以有事时免口同鼻拗。
想知道更多关于呢类投诉的详情,记得留意484期《选择》月刊