- 2017.02.15
精明消费，选择无闭翳！
见到我嘉琪，紧系又有生活小贴士俾大家。
咪睇我皮肤咁水润，其实我时时刻刻靠佢嘅滋润，佢系吔？咪系润肤乳罗！
究竟点拣润肤乳，等消委会嘅《选择》月刊话你知啦！
今期选择搜罗咗市面上超过60款搽身用嘅润肤乳样本。
矿物油成分系润肤乳常见嘅成分，听讲话佢会塞住D毛孔，仲会搞到皮肤生一粒粒粉刺，甚至可能致癌。想知真定假？等选择月刊话你知啦！
矿物油成分系石油副产品，用喺化妆品度，已经有过百年历史，主要用作减少水份流失。最有效的是矿脂，但较黏腻。而工业用未经净化嘅矿物油，可能含有呢种致癌物质(多环芳香烃（polycyclic aromatic hydrocarbons，简称PAHs）
不过用喺化妆品嘅矿物油成分，一般属于化妆品级别，甚至药用级别，经过多重提炼程序，可以大大减少，甚至完全去除致癌物质；另外有海外研究报告指，化妆品级别的矿脂同矿物油，唔会令人生粉刺。安乐晒！
至于今次消委会检视的61款样本中，有30款标示含有唔同种类嘅矿物油成分
不过大家仲要留意一种叫羊毛脂嘅密封保湿剂。
有D人用后会生皮疹同皮肤红肿等，有伤口嘅朋友就更加要小心！
消委会发现样本中有2款产品标示含有羊毛脂，未必适合对羊毛脂或羊毛脂醇敏感嘅人选用。
皮肤护理产品一般都会添加唔同嘅保湿剂，不过唔系个个都啱用，
好似丙二醇。
荷兰有研究报告发现，含有高浓度丙二醇嘅护肤品，可能令BB生皮肤炎，建议唔好用于2岁以下BB身上。
喺样本中，有16款标明含有丙二醇，包括1款声称适合敏感皮肤或湿疹患者使用嘅产品。
提提你啦，含尿素嘅护肤品不宜用于3岁以下BB，否则可令皮肤刺痛或产生灼热感觉。
样本中呢两只都标示含有10%尿素，而呢款样本（#60不用读）亦系以尿素作为重要成分。做妈妈要特别留意嘞，如果自己嘅护肤品有丙二醇或尿素，就唔好用喺BB身上
唔想搽完润肤乳后身痕，或又红又肿等敏感症状，仲要留意有无香料，同可致敏香料成分！
呢10款都标示无添加香料及无可致敏香料成分，对香料敏感嘅朋友，可以考虑选用；不过，有33款标示含有1种至最多12种可致敏香料成分，大家留意。
其中呢2款标示所含的可致敏香料成分达到10种或以上。
除咗香料外，7款样本标示含可释出甲醛防腐剂，部分人用后皮肤有刺激反应，有湿疹嘅朋友更加要小心选用。
系时候消委会教大家一D拣润肤乳嘅小贴士啦！
想知点拣润肤乳？唔使头痕，学我嘉琪咁，齐齐睇484期《选择》月刊啦！