Skip to main content

森美 X 跑步紧身裤测试

  • 2017.01.16

有人话,跑步系一项好孤独的运动,我就话,跑步系一项好自由的运动。只要一对跑鞋,一条舒服嘅跑步紧身裤,就可以陪我穿梭城市的大街小巷,享受跑步嘅乐趣!

点先算一条好嘅跑步紧身裤?《选择》月刊测试咗市面上15款紧身裤样本。测试嘅第一关,紧系要磨得!

消委会结果发现,15款样本嘅耐磨性能都好高,经过20,000次耐磨测试都无被磨损;另外只有2款样本喺起毛球测试后,出现些少毛球。

紧身裤除咗要磨得,仲要吸得快、乾得快,尽快将汗水带走!

跑步容易出汗,紧身裤嘅吸湿表现亦好重要。布料吸湿越快,汗水就越快被带走,令跑手皮肤保持乾爽。15款样本中,有9款喺3秒内就能吸收0.05毫升嘅水;5款需要6至15秒,仲有1款样本要大约3分钟。

喺水份蒸发速度测试方面,15款样本由湿透至乾透,需时102分钟至520分钟不等。

除咗要吸湿快,紧身裤仲要透气唔焗身!

跑步加速人体新陈代谢,令身体产生湿气。如果紧身裤透水气度唔好,就会感到焗热,影响舒适感。今次测试除2款样本透气度较逊色外,大部分都好好。

另外今次测试有两个样本嘅束腰喺汗水浸蚀下会甩色。
提提大家一d护理紧身裤嘅小贴士

- 检视成分标签:人造纤维如聚酯纤维、尼龙等物料,排汗快乾性可能较佳。

- 全棉或棉纤维比例超过50%,排汗快乾性能或较逊色。

- 如后腰、后膝、小腿位等使用网布设计,有助散热。

想享受跑步嘅乐趣?仲等咩呀,即刻睇第483期《选择》月刊,拣返条舒服嘅跑步紧身裤,一齐出嚟跑啦!