- 2016.08.19
我最钟意同BB一齐行街街，去公园晒太阳，一架安全又轻便嘅BB车当然唔少得。最新一期《选择》月刊，测试咗21款婴孩手推车，睇睇有吔发现先。
在21款测试嘅BB车中，有1款车架上细小缝隙，有机会夹亲BB嘅手指或脚趾。测试又发现，1款样本座椅的扶手位置，有尖而粗糙嘅边缘，有机会割伤BB。
用作固定BB在座椅上嘅安全带都好紧要，测试发现其中1款唔符合欧洲标准要求，BB在车上拧嚟拧去时，有机会扯开安全带。
除了安全带，BB车的「车碌」锁设计，都好重要。
测试发现，2款用作固定BB车嘅「车碌」锁，在独立上锁设计，不符合欧洲标准要求，「后碌」锁必须系同时上锁嘅设计。
提提大家，咪以为推BB车是小儿科，记着呢6大秘诀啦！
扣好安全带
1. BB无时停，放佢落BB车时，记得帮佢扣好安全带。仲有，安全带扣得太紧，BB固然会唔舒服，太松又会失去保护作用。
小心向后翻
2. 不要将购物袋或重物挂在BB车上，避免佢失重心向后翻倒。推车仔上斜路时，重心会向后移，小心翻车。
咪用扶车梯
3. 不要在楼梯或自动扶手梯用BB车，万一失去重心或突然下滑，不止整伤BB，仲会引起骨牌效应，伤及其他人。为安全着想，应使用升降机。
手把咪乱转
4. 当有BB在车内，不要转换推手手把方向，有机会夹伤BB的手指或手臂。
咪当BB车系玩具
5. 不要让小朋友将BB车当玩具玩，如果有BB在车上，更加不要让小朋友推BB车，他们未有足够能力确保BB车子的安全。
小心网购同二手BB车
6. 网购BB车，可能悭钱又方便，但未必符合相关安全标准。如果买二手BB车，记得检查清楚，结构是否安全及零件是否齐全。
记着，BB安全喺你手，推BB车千奇咪大意，想知多D小贴士，记得留意478期嘅《选择》月刊啦！