空气清新机净化空气快慢悬殊

2016年1月14日 年月日
《选择》月刊
471
转发
电邮此页面

室内空气质素与健康息息相关,不少家庭会选购空气清新机,改善家中的空气质素。本会与机电工程署合作测试了10款空气清新机,售价由$1,690至$5,390,比较产品的安全程度、空气净化速度、能源效率、宁静程度及使用方便程度,发现样本净化烟雾、尘埃、花粉及甲醛的速度颇为参差。此外,亦推算了各测试型号买机及更换过滤器的大约累积支出。

如欲订阅全文,请浏览网上《选择》月刊

周柏豪  教你选择空气净化机 (影片内容)

尘埃、花粉,仲有甲醛,都市人成日被呢D污烟瘴气包围着,想间屋变成唔受污染嘅「净土」?今期选择月刊,教大家点拣一部性能好、又安全嘅空气净化机。

买机只睇「适用面积」?
唔少厂商都会标明产品「适用面积」嘅大细,但由于唔同厂商,推算嘅方法亦唔一样,未必可以直接比较。

买机要睇洁净空气量
要知道部机嘅净化能力,就要睇睇佢嘅CADR,即系Clean Air Delivery Rate,洁净空气量。CADR嘅数值愈高,代表净化速度愈快、性能愈好。

消委会建议厂商,标明空气净化机嘅CADR同测试标准,等消费者多一个参考。

净化烟雾、尘埃、花粉和甲醛的能力
今次测试嘅10款空气净化机,除咗比较佢地净化烟雾、尘埃同花粉嘅性能外,仲有减低甲醛浓度嘅能力。结果发现,10个样本嘅净化速度相差达到九成半!

防臭氧释出能力
空气净化机喺使用过程中,有可能产生臭氧(ozone),刺激人体嘅呼吸系统。好彩,今次测试嘅样本,释出臭氧的浓度,全都低于标准上限。

防触电保护
不过测试发现,部分样本嘅带电部分,同用户可接触距离,低于标准下限,甚至手指可以掂到电线保护套管,增加触电,或发生漏电、短路,同跳火等风险。

所以买空气净化机,唔好净系睇性能,重要够安全。想知多D,记得留意471期嘅选月刊!

数据源:《选择》月刊471期 2016年1月14日