- 2017.11.23
「喂……我哋係XX財務顧問公司打嚟架，我哋可以幫你債務重組，等你可以借到一大筆......」
你有冇經常收到借錢電話呢？聰明嘅你，相信都知道，當中夾雜唔少騙徒。佢哋自稱與某某銀行有合作關係，令人放下戒心，再慫恿你借錢。
借錢來電經常出現，但係拆解借錢電話嘅招式亦都多不勝數，一齊學兩招傍身啦！
第一式・「開天殺價」：提出高額借款，試探對方真假，令佢唔識招架。
第二式・「反Sell再反Sell」：逆轉式銷售產品，測試對方耐性，令佢感到唔耐煩而放棄。
第三式・「推理大師」：直接揭穿騙徒嘅真面目，拒絕一切具欺騙成份嘅銷售。
以上嘅拆解招式僅供參考，最重要都係當你收到借錢電話時提高警覺，查明來電者身份，唔好輕易洩漏自己個人資料，令對方有機可乘呀。借錢來電，一招搞掂！
「理性消費 x 負責任貸款」特集更多文章：