Skip to main content
  • 2016.06.15

消委會同食安中心合作,測試在本地食肆較常見的4大類,一共130個較常見湯水樣本,睇睇佢地嘅鈉含量。

世界衞生組織建議一般成年人每日的鈉攝取量應少於2000毫克,即係大約5克鹽。

根據食安中心過去嘅調查發現,市民平均每日飲大約240克湯水,即係一碗湯嘅份量,佔咗每日建議攝取鈉含量嘅36%!每日飲到兩碗半湯水嘅朋友,攝取到嘅鈉含量,更加高達每日建議攝取限量嘅九成。

其中一款冬蔭功湯樣本嘅鈉含量最高,達到每100克含840毫克鈉。飲一碗240克果款冬蔭功湯,已經超出世衞建議,每日2000毫克嘅鈉攝取量!

好似今次測試10嘅款冬蔭功湯,鈉含量最低嗰款,每100克湯含370毫克鈉,足足比最高嗰款少一半鈉含量!

消委會建議食肆改良食譜,調味時咪咁重手,咁就可以減少湯水嘅鈉含量,消費者每次飲湯都要留意分量。

想知更多有關湯水鈉含量嘅調查,記得買本476期《選擇》月啦!