- 2016.02.15
恭喜！恭喜！恭祝你新一年繼續口水多過浪花！
多謝！多謝！水為財當然好，不過如果屋企成日濕漉漉，就不是太好，有無辨法？
當然有，抽下佢啦！
抽下佢?!
我係話記得睇今期消委會嘅選擇月刊，佢地測試了14款抽濕機，睇下邊部機最抽得。
我知，測試睇下不同牌子及型號的抽濕機在三個不同溫度同濕度的環境下，每日的抽濕量。
咁我考下你，點解有唔同環境的測試標準？
咁又真係唔知噃。
俾個貼士你，好似壓縮式抽濕機，在廠商慣用環境下量得的抽濕量，
較在標準環境下量得的抽濕量高好多，最多的1款高大約90%。
明解！在實際環境下，抽濕機開一段時間後，室內濕度會下降，不會長時間保持在偏高的相對濕度。
醒喎，所以廠商慣用的高溫高濕環境，未能反映實際使用情況。
講咗咁耐，抽濕機的測試抽濕表現又點先？
消委會測試發現，壓縮式樣本容易受溫度及濕度影響。熱石式樣本則相對較穩定，在三個不同的測試環境下度到嘅抽濕量同能源效率均大致差唔多。
壓縮式抽濕機嘅表現又點先？
壓縮式抽濕機通常較熱石式抽濕機慳電，其中1款明明計算出嘅能源效益級別係（2級），但佢標籤上標示級別竟然係（1級）！
阿奴，新正頭不如送多幾個抽濕機小貼士俾大家。
好，開抽濕機要留足夠空間散熱，特別是出風口、吸風口及濕度感應器，千萬不可被阻擋。
盛水器應定期清洗，清洗前10分鐘應先關掉抽濕機，防止殘留水滴整濕機件。
仲有呀，有些抽濕機有自動濕度控制功能，可因應濕度升降自動停機及重新開機，既慳電，又可保持理想濕度。
仲想知多D買抽濕機的小貼士？記得睇消委會出嘅第472期選擇月刊啦！
資料來源：《選擇》月刊472期 2016年2月15日