你識揀牛奶嗎?認清40款牛奶和牛奶飲品

2016年4月14日 年月日
《選擇》月刊
474
轉發
電郵此頁面

你識揀牛奶嗎?認清40款牛奶和牛奶飲品

消委會搜集市面較常見的22款牛奶及18款牛奶飲品樣本,檢視產品包裝上的資料,發現其中8款牛奶飲品包裝上,「飲品」字樣的字體較「牛奶」細,容易令消費者將之與牛奶混淆。在今次調查的40個樣本中,只有其中9個樣本在包裝上標籤了「生產日期」。此外,23款以巴士德消毒法處理的牛奶或牛奶飲品樣本,大部分在標籤上未有細分「傳統巴士德消毒法」或「延長保質期超巴士德消毒法」(ESL)。

欲訂閱全文,請瀏覽網上《選擇》月刊

牛奶vs牛奶飲品 (影片內容)

牛奶,唔少人由細飲到大,但係好多關牛奶的小知識,你又知唔知呢?

考下你,牛奶同牛奶飲品有吔分別?

牛奶係指純牛奶,包括咗離脂奶同忌廉,牛奶的奶脂不得少於3.25%。

牛奶飲品則係指將流質奶脂,同由牛奶衍生的其他固體,合成的飲品。奶類飲品所含奶脂不得少於0.1%。
好多時產品包裝嘅成分表上,會見到呢D字樣。

留意啦,「牛奶」(milk),同「牛奶飲品」(milk drink或者 milk beverage)唔同,千奇唔好搞錯呀。

新鮮?
如想選擇較「新鮮」的牛奶或牛奶飲品,消費者就應留意包裝上生產日期及食用日期,亦可以留意殺菌處理嘅標示!

一般「巴士德消毒 Pasteurized」的產品較「超高溫處理 UHT Processed」的產品新鮮,保質期短好多。

不過,巴士德消毒法處理嘅牛奶,並唔係完全無菌,只是每毫升不應含多於3萬個細菌;
如果運輸時車廂溫度過高、放喺室溫過耐、店舖低溫櫃嘅溫度不夠低,牛奶入面嘅細菌就有機會繁殖,增加數量;

高鈣低脂奶?
買牛奶嘅時候,記得留意營養標籤的含量標示去選擇。

成人及長者可以選擇飽同脂肪含量較低嘅產品,同時留意產品係咪屬高鈣牛奶或牛奶飲品。
所謂「高鈣」嘅飲品,係指每100毫升中,含120毫克或以上的鈣。

牛奶vs奶粉
咁牛奶同普通牛奶奶粉,邊種比較有營養?應該點揀呢?

奶粉製造過程中,牛奶由液體轉為固體,喺加熱時,一d水溶性維他命就較容易被破壞,但生產商通常會額外添加營養,所以營養含量是差不多。

市面上普遍可以買到嘅全脂牛奶同全脂牛奶奶粉,營養成份其實大致相同;
佢地都提供差不多嘅熱量、蛋白質、脂肪同碳水化合物。

想知更多點樣選購奶類飲品的小貼士,記得買番本474期的選月刊