空氣清新機淨化空氣快慢懸殊

2016年1月14日 年月日
《選擇》月刊
471
轉發
電郵此頁面

室內空氣質素與健康息息相關,不少家庭會選購空氣清新機,改善家中的空氣質素。本會與機電工程署合作測試了10款空氣清新機,售價由$1,690至$5,390,比較產品的安全程度、空氣淨化速度、能源效率、寧靜程度及使用方便程度,發現樣本淨化煙霧、塵埃、花粉及甲醛的速度頗為參差。此外,亦推算了各測試型號買機及更換過濾器的大約累積支出。

如欲訂閱全文,請瀏覽網上《選擇》月刊

周柏豪  教你選擇空氣淨化機 (影片內容)

塵埃、花粉,仲有甲醛,都市人成日被呢D污煙瘴氣包圍著,想間屋變成唔受污染嘅「淨土」?今期選擇月刊,教大家點揀一部性能好、又安全嘅空氣淨化機。

買機只睇「適用面積」?
唔少廠商都會標明產品「適用面積」嘅大細,但由於唔同廠商,推算嘅方法亦唔一樣,未必可以直接比較。

買機要睇潔淨空氣量
要知道部機嘅淨化能力,就要睇睇佢嘅CADR,即係Clean Air Delivery Rate,潔淨空氣量。CADR嘅數值愈高,代表淨化速度愈快、性能愈好。

消委會建議廠商,標明空氣淨化機嘅CADR同測試標準,等消費者多一個參考。

淨化煙霧、塵埃、花粉和甲醛的能力
今次測試嘅10款空氣淨化機,除咗比較佢地淨化煙霧、塵埃同花粉嘅性能外,仲有減低甲醛濃度嘅能力。結果發現,10個樣本嘅淨化速度相差達到九成半!

防臭氧釋出能力
空氣淨化機喺使用過程中,有可能產生臭氧(ozone),刺激人體嘅呼吸系統。好彩,今次測試嘅樣本,釋出臭氧的濃度,全都低於標準上限。

防觸電保護
不過測試發現,部分樣本嘅帶電部分,同用戶可接觸距離,低於標準下限,甚至手指可以掂到電線保護套管,增加觸電,或發生漏電、短路,同跳火等風險。

所以買空氣淨化機,唔好淨係睇性能,重要夠安全。想知多D,記得留意471期嘅選月刊!

資料來源:《選擇》月刊471期 2016年1月14日